Arrihet marrëveshja Rama-Basha

Arrihet marrëveshja Rama-Basha

Tre muaj pasi opozita filloi protestën dhe bojkotoi punimet në Parlament, Kryeministri Edi Rama dhe udhëheqësi i PD Lulzim Basha duket se kanë arritur një marrëveshje për zgjedhjet parlamentare, reformën gjyqësore dhe dekriminalizimin.

Një takim midis krerëve të partive të koalicionit qeveritar dhe atyre opozitare, u thirr dje nga kreu i Partisë Republikane (PR), Fatmir Mediu dhe kreu i Partisë Agrare Ambientalista (PAA), Agron Duka.

Më pas, Kryeministri Rama dhe Basha biseduan për tre 3 orë. Pas takimit, i cili përfundoi rreth orës 1:30 të mesnatës, ata deklaruan përpara gazetarëve se kishin arritur një marrëveshje.

Zoti Basha deklaroi:

“Ne kemi një marrëveshje të bazuar në paketën McAllister + që u propozua edhe nga SHBA. Marrëveshja do të përpunohet në 24 orët e ardhshme dhe vetëm pasi të jetë përpunuar do të ketë një deklaratë publike për të gjitha detajet e marrëveshjes.”

Në përgjigje të pyetjes kur do të mbahen zgjedhjet, Basha heshti dhe dukej kryeministër Rama, i cili me dëshirë deklaroi:

“Sa i përket mua, më lejoni të jem 100% në marrëveshje me udhëheqësin e opozitës.”

Kryeministri Rama dhe Basha u shtrënguan duart ndërsa u larguan nga Parlamenti.

Kreu i Partisë Demokratike Lulzim Basha, më pas ju drejtua çadrës së protestës, ku lajmëroi mbështetësit e opozitës se çadra ja kishte arritur qëllimit të saj dhe se brenda 24 orëve do të nisnin pregatitjet për zgjedhje të lira.

“Gjithçka ka ndryshuar, e pamendueshmja tre muaj më parë sot është realitet, nesër nisim përgatitjet për tu dhënë shqiptarëve zgjedhjeve të lira dhe të ndershme dhe për të nisur sëbashku rrugën drejt një Shqipërie ku gjithçka do të ndryshojë, asgjë nuk do të jetë si më parë bazuar vetëm në qëndresën dhe bashkimin tuaj.”



Lini një koment

1 Koment për "Arrihet marrëveshja Rama-Basha"

avatar
trackback

[…] Marrëveshja e 18 majit ndihmoi në zhvillimin e një procesi zgjedhorë më përfshirës dhe në një fushatë më pak të polarizuar, por zbatimi i saj preku principet thelbësore të zbatimit të ligjit. Kështu shkruhet në gjetjet përfundimtare të Raportin të Misionit të Vëzhguesve të Zgjedhjeve të OSBE-ODIHR në Shqipëri për zgjedhjet e 25 qershorit. […]

wpDiscuz