Itali, kapen 600 kilogramë kanabis, arrestohen dy skafistë shqiptarë

Itali, kapen 600 kilogramë kanabis, arrestohen dy skafistë shqiptarë

600 kilogramë kanabis u kapën mëngjesin e sotëm në bredgetin e Pulias nga Guardia di Finanza e Barit. Lënda narkotike po transportohej nga dy skafistë shqiptarë të cilët u arrestuan.

Media italiane shkruan se dy shqiptarët, 26 dhe 35 vjeç, prej disa ditësh kishin mbetur në det, pasi motori i gomones ishte dëmtuar.

Kur vunë re ndjekjen e policisë italiane, skafistët tentuan ta hidhnin kanabisin e paketuar në det.

Sasia e kapur sot nga policia italiane e çon në 6,1 ton në total sasinë e kanabisit shqiptar të kapur gjatë ditëve të fundit në bregdetin italian.

Kështu:

Më 4 prill, Guardia di Finanza sekuestroi 1,7 ton kanabis në ujrat e Karaburunit.

Më 30 mars, 2,2 ton kanabis u sekuestruan në një kamion të ardhur nga Shqipëria në portin e Ankonas.

Më 21 mars, 1,6 tonë kanabis u sekuestruan në Brindizi.



Lini një koment

Bëj koment i pari!

avatar
wpDiscuz